საქართველოს პარლამენტმა თბილისის მერის, კახა კალაძის ინიციატივის კენჭისყრაზე უარი თქვა. ინიციატივა წესებით დარღვევის პარკირებაზე ჯარიმის გაზრდას ეხებოდა. ამ თემას დედაქალაქის მერი გამოეხმაურა.
კახა კალაძემ ის მიზეზი განმარტა, რის გამოც პარლამენტმა ამ ეტაპზე ჯარიმის 10 ლარიდან 50 ლარამდე გაზრდაზე უარი თქვა. მერის ინფორმაციით, გაზრდილი ჯარიმა ავტოპარკის განახლების შემდეგ ამოქმედდება.
“სამი მოსმენით გავიდა [კანონპროექტი] და კენჭი არ ეყარა იმის გამო, რომ ველოდებით ახალი ავტობუსების შემოსვლას და მთლიანად ჩანაცვლდეს ავტოპარკი და შემდეგ ამოქმედდეს ჯარიმა. როდესაც უკე გვექნება ავტობუსების განახლებული პარკი, შემდეგ კენჭი ეყრება და შევა ძალაში”, – განაცხადა კახა კალაძემ.
30 ოქტომბერს დედაქალაქის მთავრობის სხდომაზე თბილისის მერმა თქვა, რომ თბილისში ავტომობილის პარკირების წესების დარღვევაზე ჯარიმები 10 ლარიდან 50 ლარამდე გაიზარდა. თუმცა მოგვიანებით, მერმა განმარტა, რომ გაზრდილი ჯარიმა ძალაში მას შემდეგ შევა, რაც მუნიციპალური ავტობუსები ჩანაცვლდება.
წყარო: alia.ge
Loading ...