დარესტნიდან გამოქცეული 4 და საქართველოშია. 12 საათიანი ლოდინის შემდეგ რუსმა მესაზღვრეებმა ძალადობას გამოქცეულ ქალებს საზღვრის კვეთის უფლება მისცეს.
ლარსის გამშვები პუნქტიდან დები მას შემდეგ გადმოუშვეს, რაც საქმეში ჩრდილო-კავკასიაში მომუშავე არასამთავრობო ორგანიზაციები ჩაერთნენ.
რელიგიური ნიშნით გამოქცეულ ქალთა ადგილსამყოფელი მათივე უსაფრთხოებისთვის მკაცრად გასაიდუმლოებულია.
ოჯახების დევნას გაოქცეულები ახლა მათი უფლებების დაცვას საქართველოს ხელისუფლებას სთხოვენ. ისინი ამბობენ, რომ ნათესავები საქართველოში ჰყავთ და გამორიცხული არ არის, რომ მათი ლიკვიდაცია აქაც მოხდეს.
გოგონებტან ერთად მათი ადვოკატიც იმყოფება.
“უმორჩილესად გთხოვთ, არ გადამცეთ ჩემს ქვეყანას. იქ ჩემი მშობლები მომკლავენ.ჩვენ გამოვიქეცით სახლიდან, გამოვექეცით ძალადობას. გვცემდნენ, გვაიძულებდნენ გათხოვებას, განათლების მიღებას გვიკრძალადვნენ. გვეკრძალებოდა ყველაფერი, ირღვეოდა ჩვენი უფლებები. ხადიჯას აიძლებდნენ, რომ ცოლად ბიძაშვილს გაჰყოლოდა. ეს ჩვენთან ნორმად ითვლება, თმცა ჩვენთვის მიუღებელია”, – ამბობდნენ ვიდეომიმართვაში, რომელიც საზღვრიდან გაავრცელეს.
“გვინდა მადლობა ვუთხრათ ყველას, ადვოკატებს, უფლებადამცველებს, მედიას, ვინც გაახმაურა ინფორმაცია ჩვენს შესახებ. სწორედ ამ ამბის გახმაურების შედეგად ახლა საქართველოში ვართ, კარგად ვართ, შედარებით უსაფრთხოდ, თუმცა, რა საკვირველია, საფრთხე არსებობს. ნათესავები ისევ გვეძებენ, ისინი დაგვპირდნენ, რომ საქართველოშიც გვიპოვიან, მაგრამ იმედია ყველაფერი კარგად იქნება”, – თქვა ამინატ გაზიტ მაგომამედოვა.
დაღესტნის სოფელ ხაჯალმახის მცხოვრები ოთხ და, რომლებიც ოჯახის და ნათესავების ძალადობას გამოქეცნენ, რუსი მებაჟეები საქართველოს ტერიტორიაზე 12 საათის განმავლობაში არ უშვებდნენ. ადგილზე გოგონების ოჯახის წევრებიც იმყოფებოდნენ, რომლებიც მათ სახლში დაბრუნებას დაჟნებით ითხოვდნენ. ადგილზე სამართალმდაცველებიც გამოიძახეს და გამოქცეულებს გამოგონილი ბრალდებაც კი წარუდგინეს.
დები ამბობენ, რომ ოჯახის წევრები მათ რელიგიური ნიშნით დევნიან, მათზე ფიზიკურად ძალადობენ, ლახავენ მათ უფლებებს და ნათესავებზე გათხოვებას აიძულებენ. მათ ფაქტის დამადასტურებელი ფოტოებიც კი წარადგიბეს.
ოჯახურ ძალადობას გამოქცეული დაღესტნელი დები საქართველოს ტერიტორიაზე იმყოფებიან და შედარებით უსაფრთხოდ არიან. თუმცა კრიზისული ცენტრ SOS-ის ინფორმაციით, რომელიც დაზარალებულებს დახმარებას უწევს, საფრთხე ისევ არსებობს, რადგან ოჯახი და ნათესავები აცხადებენ, რომ მათ მაინც იპოვიან და უკან დააბრუნებენ.
დაღესტნის სოფელ ხაჯალმახის მცხოვრებმა დებმა ვიდეომიმართვაც ჩაწერეს, რომელშიც დახმარებისთვის მადლობას იხდიან.
უფლებადამცველების თქმით, ნათესავები რეგულარულად მიმართავდნენ ძალადობას დების მიმართ, მათ ბავშვობაში ქალური წინადაცვეთა ჩაუტარეს, ხოლო მშობლებმა ერთ-ერთ მათგანს ბიძაშვილზე დაქორწინება მოსთხოვეს.
Loading ...