Institute for the Study of War-ის ბოლო ანგარიშის მიხედვით, უკრაინულმა სამხედრო ძალებმა 28 მარტის მდგომარეობით კიევის ჩრდილო-დასავლეთით მდებარე, ქალაქ ირპინზე კონტროლი აღადგინეს. უკრაინული ძალების მიმდინარე კონტრშეტევები, სავარაუდოდ, შეაფერხებს რუსეთის ჯარების შეტევითი ოპერაციების განახლებასა და ძალების აღდგენის პროცესს. ბოლო 24 საათის განმავლობაში, უკრაინულმა ძალებმა წარმატებით მოიგერიოეს ოკუპანტების თავდასხმები კიევის გარშემო. 28 მარტის მონაცემებით, რუსულ სამხედრო ძალებს ჩერნიგოვის, სუმის ან ხარკოვის წინააღმდეგ არ ჩაუტარებიათ შეტევით ოპერაციები. ოკუპანტები განაგრძობენ სტაბილურ პროგრეს მარიუპოლში, მაგრამ ტერიტორიის დაცვა დომბასსა და ნიკოლაევში ვერ შეძლეს.
ISW-ს ძირითადი დასკვნები:
- კრემლის მტკიცების მიუხედავად, რომ რუსული ძალები უკრაინაზე კონცენტრირდებიან, ოკუპანტები კიევის ალყაში მოქცევის მცდელობებს განაგრძობენ.
- 28 მარტს უკრაინის სამხედრო ძალებმა კიევის გარეუბანი, ირპინი დაიბრუნეს. უკრაინის ჯარები, დიდი ალბათობით, ისარგებლებენ ოკუპანტების სამხედრო ძალების მიმდინარე როტაციით, რათა უახლოეს დღეებში კიევის ჩრდილო-დასავლეთით მდებარე ტერიტორიები დაიბრუნონ.
- ოკუპანტებმა წარმატებული შეტევები განახორციელეს ბროვარის მიმართულებით. ამასთან ერთად, რუსეთის ოპერაციები ჩრდილო-აღმოსავლეთ უკრაინაში შეჩერებულია, მათ შორის, 28 მარტის მონაცემებით, ჩერნიგოვში, სუმისა და ხარკოვში სიმშვიდე იყო.
- უკრაინის გენერალური შტაბის ცნობით, სუმის მახლობლად მდებარე 1-ელი გვარდიის სატანკო არმიის ბატალიონის ტაქტიკური ჯგუფი (BTG) სრულად გავიდა უკრაინის ტერიტორიიდან, უკან რუსეთში შესაძლო განლაგების მიზნით.
- რუსული ძალები მარიუპოლში აგრძელებდნენ სტაბილურ წინსვლას.
- ხერსონის გარშემო უკრაინის წინააღდეგობა რუსეთის სამხედრო ძალების შეზღუდვას აგრძელებს. რუსეთის ძალებს სამხრეთის მიმართულებით შეტევითი ოპერაციები არ ჩაუტარებიათ.
რუსეთის მიერ დამატებითი სამხედრო ძალების გაწვევა, რაც უკრაინის გენშტაბის მონაცემებით 1-ელ აპრილს უნდა დაიწყოს, ოკუპანტებს დამატებითი სამხედრო აღჭურვილობით მოამარაგებს, რაც, დიდი ალბათობით, საკმარისი იქნება, რომ რუსეთმა ახლო მომავალში გაანახლოს მასიური შეტევითი ოპერაციები. თუმცა, ოკუპანტების ახალწვეულებს შორის მაღალი დონის სამხედრო მომზადება საკმაოდ ცოტას აქვს, შესაბამისად, მათ დიდი დრო, თვეები, დასჭირდებათ, რომ მომზადების მინიმალური სტანდარტი მაინც დააკმაყოფილონ. 28 მარტს, უკრაინის მთავარი სადაზვერვო სამმართველო (ГУР) იტყობინება, რომ რუსეთი 1-ელ აპრილს დაიწყებს BARS-2021-ის (ქვეყანის საბრძოლო არმიის რეზერვი) პროგრამის მეშვეობით ახალწვეულების გაწვევას. ГУР იტყობინება, რომ BARS-2021 რეზერვისტები შეავსებენ უკრაინაში მოქმედ ქვედანაყოფებს, რომლებიც BARS-ის პროგრამით დაკომპლექტებული მსჯავრდებულები არიან და ამას განახორციელებენ სრული ამნისტიის სანაცვლოდ.
რუსმა სამხედროებმა BARS-2021 პროგრამა 2021 წელს დაიწყეს, რომლის მიზანი მოხალისეებისგან აქტიური რეზერვის შექმნა იყო, სამწლიანი ფიქსირებული კონტრაქტით. რეზერვი ფუნქციონირებდა იმავე პრინციპით, როგორც აშშ-სა და ნატოს რეზერვები, სადაც რეზერვისტები გადიან აქტიურ წვრთნებს და იღებენ ანაზღაურებას.რუსეთის შეიარაღებული ძალები ცდილობდნენ შეექმნათ ექსკლუზიური რეზერვისტული ნაწილები, მაგრამ, სავარაუდოდ, რუსეთის მოქალაქეების დაბალი ჩართულობის გამო ვერ მიაღწიეს თავის მიზნებს.
28 მარტს უკრაინის გენერალური შტაბი იტყობინება, რომ რუსეთი აგრძელებს უკრაინაში დამატებითი დანაყოფების წვრთნასა და განლაგებას, მათ შორის წყნარი ოკეანის ფლოტის 155-ე საზღვაო ქვეითი ბრიგადისა და მე-14 ცალკეული გვარდიის სპეციალური დანიშნულების ბრიგადის შევსებას. 27 მარტს, უკრაინის გენშტაბის ინფორმაციით, დასავლეთის დაუზუსტებელი სამხედრო ოლქისა და წყნარი ოკეანის ფლოტის ქვედანაყოფები უკრაინის მიმართულებით განლაგებას განაგრძობენ. რაც იმაზე მიუთითებს, რომ რუსეთმა სავარაუდოდ უკვე განათავსა თავისი რეზერვების უმეტესი ნაწილი უკრაინაში. გენშტაბის ინფორმაციით, რუსეთის ფედერაციის შორეული რეგიონებიდან გადაადგილების ნაკლებობა აღინიშნება. უკრაინის გენშტაბი იტყობინება, რომ რუსეთი ფარულად ახორციელებს საქართველოს სეპარატისტული რეგიონებიდან მოსახლეობის მობილიზაციას, მათ შორის, ყირიმში უკვე 150 მებრძოლი გაგზავნა სამხრეთ ოსეთიდან.
Loading ...
