ოზურგეთში, 4 ოქტომბრის აქციასთან დაკავშირებით, სუსმა ორი პირი დააკავა

17 ოქტომბერს, დილით გამთენიისას ოზურგეთში კახა კვაჭანტირაძე დააკავეს. დაკავება 4 ოქტომბრის აქციას უკავშირდება. კახა კვაჭანტირაძე, “ნაციონალური მოძრაობის” წევრია და 4 ოქტომბერს თბილისში აქციაზე იმყოფებოდა. პარტიის წევრების ინფორმაციით, ის სახელმწიფო უსაფრთხოების სამსახურმა აიყვანა და თბილისშია გადაყვანილი. ამ დილით, ასევე გურიაში დააკავეს სიმონ მახარაძეც. როგორც მისი ოჯახის წევრი ამბობს, გამთენიისას მათ სახლში დიდი რაოდენობით პოლიციელი შემოვიდა. “უცებ შემოვარდნენ. დაახლოებით 60 შეიარაღებული პირი იყო. ავტომატი დაადეს 4 წლის ბავშვს. ისე წაიყვანეს სიმონი, თითქოს ტერორისტი ყოფილიყო” – ნათქვამია ვიდეოში.