წმინდა ნიკოლოზის ხსენების დღეს ოზურგეთში წმინდა ნიკოლოზის სახელობის ტაძარი გაიხსნა. ტაძრის გახსნა და წმინდანის ხსენების დღე ახლადგახსნილ ტაძარში სადღესასწაულო წირვა – ლოცვით აღინიშნა. სადღესასწაულო ლიტურღია შემოქმედელმა მიტროპოლიტმა იოსებმა, ეპარქიის მღვდელმსახურებთან და ასევე სხვადასხვა ეპარქიიდან სტუმრად ჩამოსულ სასულიერო პირებთან ერთად აღავლინა. ქალაქ ოზურგეთში აშენებული წმინდა ნიკოლოზის სახელობის ტაძრის არქიტექტურა წარმოშობით ოზურგეთელ ზურაბ გუჯაბიძეს ეკუთვნის, რომელიც ოჯახთან ერთად დაესწრო ტაძრის გახსნას.
ტაძრის გახსნას შვიდი ეპისკოპოსი ესწრებოდა. მათ შორის იყო ბოდბელი ქორეპისკოპოსი, მეუფე იაკობი, რომელიც ჩვენი ინფორმაციით ტაძრის გახსნაზე ერთიანი ნაციონალური მოძრაობის წევრ, საქართველოს პარლამენტის IX მოწვევის დეპუტატთან, რეგიონული განვითარებისა და ინფრასტრუქტურის ყოფილ მინისტრთან რამაზ ნიკოლაიშვილთან ერთად ჩამოვიდა.
Loading ...