საგამოცდო პროცესი წელს ერთიანი ეროვნული გამოცდებით დღეს დაიწყო. შეფასებისა და გამოცდების ეროვნული ცენტრის ინფორმაციით, ერთიანი ეროვნული გამოცდები ქვეყნის მასშტაბით გახსნილ 24 საგამოცდო ცენტრში, მათ შორის ოზურგეთის მუნიციპალიტეტში ( N 2 საჯარო სკოლა) ერთდროულად ტარდება. პირველ გამოცდას აბიტურიენტები ქართულ ენასა და ლიტერატურაში აბარებენ. ოზურგეთის საგამოცდო ცენტრში 510 აბიტურიებტი და 444 პედაგოგია დარეგისტრირებული, ჯამში 954 აპლიკანტი. დღეს ქართული ენისა და ლიტერატურის გამოცდის პირველ სესიაზე დარეგისტრირებული 128 აბიტურიენტიდან – 128 – ვე აპლიკანტი გამოცხადდა. რაც შეეხება მასწავლებლის გამოცდებს, მასზე დარეგისტრირებულები საგამოცდო პროცესში 8 ივლისიდან ჩაერთვებიან. როგორც ოზურგეთის საგამოცდო ცენტრის კოორდინატორმა ლელა იმედაშვილმა გვითხრა , გამოცდა მშვიდ გარემოში მიმდინარეობს. 22 ივლისს ერთიანი ეროვნული გამოცდები სახვითი და გამოყენებითი ხელოვნების გამოცდით დასრულდება.
Loading ...