ოზურგეთში ცნობილი ლოტბარის, გურული სიმღერის გამორჩეული შემსრულებლის და ღირსების ორდენის კავალერის ტრისტან სიხარულიძის ვარსკვლავი გაიხსნა.
ღონისძიებას წინ ტრისტან სიხარულიძის ცხოვრებისა და შემოქმედებისადმი მიძღვნილი გამოფენა, კონცერტი და დოკუმენტური ფილმის ჩვენება უძღოდა.
ცნობილი ლოტბარის სახელობითი ვარსკვლავი საზეიმოდ, მრავალჟამიერის ფონზე ფოლკლორის ცენტრის წინ გაიხსნა.
ღონისძიება ოზურგეთის მერიის და მოსწავლე – ახალგაზრდობის ცენტრის ერთობლივი ორგანიზებით გაიმართა.
ტრისტან სიხარულიძის 85 წლის იუბილესთან დაკავშირებით საიუბილეო საღამო ასევე თბილისშიც გაიმართება. ღონისძიება 1 ოქტომბერს შოთა რუსთაველის სახელობის ეროვნულ თეატრში ჩატარდება.
ტრისტან სიხარულიძე არის ღირსების ორდენის კავალერი, ფოლკლორის ეროვნული პრემიის პირველი ლაურეატი, ასევე, მან მიიღო ”ხელოვნების ქურუმის” წოდება. ფონდმა „ქართულმა გალობამ“ ის „ქართული ფოლკლორის მოამაგის“ ტიტულითა და სპეციალური პრემიით დააჯილდოვა.
კომენტარები
Loading ...
