ოზურგეთში სოხუმის დაცემის დღე გაიხსენეს

დღეს ოზურგეთში სოხუმის დაცემის დღე გაიხსენეს, მემორიალთან შეიკრიბნენ და  გმირი ზაზა დამენიას საფლავი ყვავილებით შეამკეს. ცერემონიას რამდენიმე ათეული ადამიანი ესწრებოდა, მათ შორის იყვნენ პოლიტიკოსები, ადგილობრივი ხელისუფლების წარმომადგენლები, ზაზა დამენიას დედა და სამხედრო პირიც. დამსწრეებმა სოხუმის დაცემაზე ისაუბრეს და ომში დაღუპული გმირების ხსოვნას პატივი მიაგეს.

სოხუმის დაცემიდან ზუსტად 28 წელი გავიდა. აფხაზეთში სამხედრო დაპირისპირება 1992 წლის 14 აგვისტოს დაიწყო, 16 სექტემბერს სეპარატისტებმა შეთანხმება დაარღვიეს და სოხუმზე იერიში მიიტანეს, ბრძოლები რამდენიმე დღე გრძელდებოდა, ქართულმა ნაწილებმა ასეთ მასიურ შეტევას ვერ გაუძლეს და 27 სექტემბერს ქალაქი საბოლოოდ დაეცა.