ოზურგეთში ,,სახალხო’’ პარტიის რიგებს ,,ქართული ოცნებისა’’ და ,, პატრიოტთა ალიანისის’’ წევრები შეუერთდნენ

დღეს ოზურგეთში ,,სახალხო’’ პარტიის რიგებს ,, ქართული ოცნებისა’’ და ,, პატრიოტთა ალიანისის’’ წევრები შეუერთდნენ. აღნიშნულის შესახებ განცხადება პარტიებიდან წამოსულებმა დღეს საჯაროდ გააკეთეს. ,, ქართული ოცნების’’ ყოფილი წევრები აცხადებენ, რომ მათ ყოფილ თანაგუნდელებთან საკადრო პოლიტიკისა და მთელი რიგი საკითხების გამო ჰქონდათ შეუთანხმებლობა. ამბობენ, რომ ამიერიდან მათ რესურსს ,,სახალხო პარტიასა და სოსო გოგაშვილს მოახმარენ.” იგივეს აცხადებენ  პატრიოტთა ალიანსის’’ ყოფილი წევრებიც. ახლადდაფუძნებულმა ,, სახალხო პარტიის’’ წევრებმა თქვეს ისიც, რომ ადგილობრივი თვითმმართველობის არჩევნებში მიიღებენ მონაწილეობას და სხვადასხვა მუნიციპალიტეტის საკრებულოებში შესასვლელად იბრძოლებენ. ,,ქართული ოცნების” წარმომადგენლებმა ყოფილი წევრების მიერ პარტიის დატოვებაზე კომენტარი არ გააკეთეს.