ოზურგეთის N 2 საბავშვო ბაღში (პირველი საჯარო სკოლის გვერდით) კორონავირუსი საბავშვო ბაღის მენეჯერსა და მნის თანაშემწეს შაბათს, სწრაფი ტესტის გაკეთების შემდეგ დაუდასტურდათ. როგორც ოზურგეთის სკოლამდელი აღზრდის ცენტრის ხელმძღვანელმა, მაკა ჭყონიამ გვითხრა ხსენებული ბაღის თანამშრომლები გეგმიურად ოთხშაბათს, 7 აპრილს დაიტესტნენ და მაშინ ,,კოვიდ19,, არავის დადასტურებია. N 2 საბავშვო ბაღის მენეჯერი და მნის თანაშემწე, ვირუსის სიმპტომების ქონის გამო, სამსახურში ხუთშაბათს მაინც არ მისულან და მათი ხელახალი ტესტირება, ბაღის სხვა თანამშრომლებთან ერთად შაბათს, 10 აპრილს მოხდა. ტესტირების შედეგად კი ვირუსი დაუდგინდა მხოლოდ საბავშვო ბაღის მენეჯერს და მნის თანაშემწეს. როგორც ჭყონიამ გვითხრა, თავდაპირველად ოზურგეთის საზოგადოებრივი ჯანდაცვის ცენტრის გადაწყვეტილებით, სადეზინფექციო სამუშაოების ჩატარების შემდეგ, რახან ინფიცირებული თანამშრომლები N2 საბავშვო ბაღში სიმპტომების გამოვლენიდან უკვე აღარ ყოფილან, სააღმზრდელო დაწესებულებას ჩვეულებრივ რეჟიმში უნდა გაეგრძელებინა მუშაობა.
დღეს დილით კი, როგორც მაკა ჭყონიამ გვითხრა, საზოგადოებრივი ჯანდაცვის ცენტრმა გადაწყვეტილება შეცვალა და N 2 საბავშვო ბაღში სააღმზრდრლო პროცესი 1 კვირით, 19 აპრილამდე შეაჩერა.