ოზურგეთში რუსული აგრესია და უკრაინაზე თავდასხმა გააპროტესტეს

რუსული აგრესია და უკრაინაზე თავდასხმა დღეს ოზურგეთში გააპროტესტეს. არასამთავრობო ორგანიზაციების, პოლიტიკური პარტიებისა თუ სხვადასხვა პროფესიის წარმომადგენლები, რიგითი მოქალაქეები ჭადრაკის ბაღში შეიკრიბნენ და რუსეთის აგრესია უკრაინის მიმართ დაგმეს და უკრაინელ ხალხს სრული მხარდაჭერა გამოუცხადეს. აქციაზე იყო ახალგაზრდა თაობის წარმომადგენლები, ასევე ეროვნებით უკრაინელი მოქალაქე, რომელმაც ქართველებს მხარდაჭრრისთვის მადლობა გადაუხადა. აქციის მონაწილეებმა პარალელები 2008 წლის აგვისტოს ომთან გაავლეს და აღნიშნეს ,რომ რუსეთის იმპერიულ ზრახვებს ვერ აისრულებს. უკრაინის მიმართ სოლიდარობის აქცია, საქართველოში სხვადასხვა რეგიონში გუშინდელი დღიდან იმართება.