ოზურგეთში ნოდარ დუმბაძის სახელობის მესამე საერთაშორისო თეატრალური ფესტივალი გაიხსნა. ფესტივალში რვა ქვეყნის თეატრი ცხრა სპექტაკლით მონაწილეობს. ასევე, წარმოდგენილი იქნება დედაქალაქიდან 15, საქართველოს რეგიონებიდან კი 17 სპექტაკლი.
ორგანიზატორების თქმით, წლევანდელი ფესტივალი განსაკუთრებული და გამორჩეული იქნება არა მარტო მდიდარი პროგრამით, არამედ მასშტაბით, რაც შესაძლებელს გახდის, საზოგადოებამ ოზურგეთის თეატრის სამ განსხვავებულ სივრცეში ნოდარ დუმბაძის ნაწარმოებებზე, ასევე ქართველი კლასიკოსი მწერლების შემოქმედებაზე შექმნილი 26 სპექტაკლი იხილოს.
საერთაშორისო ჟიური ცხრა ნომინაციაში გამოავლენს გამარჯვებულებს. მთავარი პრიზი – ნოდარ დუმბაძის პრემია 10 000 ლარს შეადგენს. კონკურსში მასპინძელი თეატრი არ მონაწილეობს. ფესტივალი რობერტ სტურუას სპექტაკლით გაიხსნა. „ვანო და ნიკო“ რუსთაველის თეატრის მსახიობებმა წარუდგინეს მაყურებელს.
Loading ...
