ოზურგეთში მიწა ძვირდება – ნახეთ ახალი ფასები

ოზურგეთში მალე მიწის ღირებულება გაიზრდება. დღეს ოზურგეთის მუნიციპალიტეტის საკრებულომ მუნიციპალიტეტის ტერიტორიაზე არსებული არასასოფლო – სამეურნეო დანიშნულების მიწის ნაკვეთის ნორმატიული ფასის დადგენის შესახებ ადმინისტრაციული წარმოება დაიწყო. ოზურგეთის მუნიციპალიტეტის ტერიტორიაზე არასასოფლო – სამეურნეო მიწის ფასი ზონების მიხედით შემდეგი პრინციპით გადანაწილდა:

ქალაქის ცენტრალური ნაწილი – 8 ლარი და 112 თეთრი;

ქალაქის შუალედური ნაწილი – 4 ლარი და 118 თეთრი;

ქალაქის პერიფერიული ნაწილი – 2ლარი და 49 თეთრი;

აღნიშნული საკითხი საკრებულოში მუნიციპალიტეტის მერიამ შემოიტანა. მიწებზე ნორმატიული ფასის დადგენა მიმდინარე ( თებერვლის) თვის ბოლომდე უნდა მოხდეს. როგორც მერიის იურიდიული სამსახურის უფროსმა, ლაშა თავაძემ ”გურიაtv”-ს უთხრა, მიწაზე ნორმატიული ფასის დადგენა – შეცვლა 2014 წლის შემდეგ არ მომხდარა. შესაბამისად,  მიწის ზემოთ წარმოდგენილი ფასები, ზონების მიხედვით თითქმის ერთი ლარითაა გაზრდილი და იგი სავალუტო კურსის და  ზოგადად, ბაზრის კვლევის შესაბამისია.