ოზურგეთში მეუღლეზე ძალადობით ბრალდებით 25 წლის მამაკაცი დააკავეს

შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1995 წელს დაბადებული გ.გ. ოჯახის წევრის მიმართ ჩადენილი ძალადობის ბრალდებით, ოზურგეთში დააკავეს. გამოძიებით დადგინდა, რომ დაკავებულმა მამაკაცმა მეუღლეს – 2003 წელს დაბადებულ მ.მ.-ს ფიზიკური შეურაცხყოფა მიაყენა. ტვ გურიას ინფორმაციით, გ.გ. 2019 წელსაც იყო დაკავებული _ ხულიგნობის ფაქტზე, თუმცა სასჯელაღსრულების დეპარტამენტს ის ციხეში არ შეუსახლებია _ სასამართლომ ექსპერტიზის დასკვნების შემდეგ, მას ფსიქიატრიულ დაწესებულებაში, რამდენიმეთვიანი იძულებითი მკურნალობა მიუსაჯა. რაც შეეხება ამ კონკრეტულ ფაქტს და მეუღლეზე ძალადობას, შინაგან საქმეთა სამინისტროს ინფორმაციით გამოძიება საქართველოს სისხლის სამართლის კოდექსის 126 პრიმა მუხლის მე-2 ნაწილის „ა“ ქვეპუნქტით მიმდინარეობს, რაც ოჯახის ერთი წევრის მიერ ოჯახის სხვა წევრის მიმართ ძალადობას გულისხმობს.