ოზურგეთში კორონავირუსისგან პედაგოგი გარდაიცვალა

ოზურგეთში კორონავირუსისგან კიდევ ერთი პირი გარდაიცვალა. 70 წლამდე ქალი ქვემო ნატანების საჯარო სკოლის პედაგოგი იყო. მას ვირუსი 19 აპრილს დაუდასტურდა და მკურნალობის კურსს ქობულეთის კოვიდკლინიკაში გადიოდა.

დღეს ქვემო ნატანების საჯარო სკოლის კიდევ ერთი პედაგოგი გარდაიცვალა. მამაკაცი ერთი კვირაა იზოლაციაში იმყოფებოდა, რადგან მის მეუღლეს კორონავირუსი დაუდასტურდა. იყო თუ არა მამაკაცი ინფიცირებული ჯერ-ჯერობით უცნობია. იგი მეუღლემ დილით გარდაცვლილი იპოვა.

ბოლო ერთი კვირის განმავლობაში ოზურგეთში კორონავირუსისგან 8 ადამიანი გარდაიცვალა. სულ პანდემიის დაწყებიდან ეს ოზურგეთში გარდაცვალების 46-ე შემთხვევაა.