ბოლო 24 საათში ოზურგეთის მუნიციპალიტეტში კორონავირუსით დაინფიცირების საკმაოდ მაღალი მაჩვენებელი – 25 შემთხვევა დაფიქსირდა. ეპიდემიოლოგები აღნიშნავენ, რომ ეპიდემიური ფონი მუნიციპალიტეტში საკმაოდ დამძიმდა. დაფიქსირდა გარდაცვალების შემთხვევაც, ახალგაზრდა ქალი, რომელიც სოფელ ნატანებში ცხოვრობდა, გუშინ კორონავირუსით გარდაიცვალა. როგორც ბათუმში, აღნიშნული პაციენტის მიმღებ კლინიკაში ამბობენ, გარდაცვალების მიზეზი კლინიკისთვის დაგვიანებით მიმართვა გახდა.
რაც შეეხება სოფელ შრომას, აქ ბოლო 24 საათში კორონავირუსით დაინფიცირების 2 შემთხვევა კვლავ დაფიქსირდა და ორივე პაციენტის კლინიკებში გადაყვანა გახდა საჭირო. შექმნილი ვითარებიდან გამომდინარე, ოზურგეთის საზოგადოებრივი ჯანდაცვის ცენტრი დღეს სოფელ შრომაში მოსახლეობის მასობრივ ტესტირებას კვლავ იწყებს.
კომენტარები
Loading ...