ოზურგეთში ისტორიული წარწერა ”მამული, ენა, სარწმუნოება” ბრუნდება

როგორც ცნობილი გახდა, ოზურგეთში ცნობილი წარწერა ”მამული, ენა, სარწმუნოება” დაბრუნდება. ამის შესახებ ოზურგეთის მერმა ავთანდილ თალაკვაძემ განაცხადა.

”მივიღეთ გადაწყვეტილება, რომ ქალაქ ოზურგეთს დავუბრუნოთ ისტორიული წარწერა ”მამული, ენა, სარწმუნოება”. ახალი ინსტალაცია აღნიშნული წარწერით კვლავ გმირთა მოედანზე, ახალ ლოკაციაზე განთავსდება. მადლობას ვუხდი ჩვენს თანამოქალაქეებს, ვინც ამ ინიციატივას საჯარო მხარდაჭერა პეტიციით გამოუცხადა”. –  აღნიშნა თალაკვაძემ.

შეგახსენებთ, რომ  წარწერა ”მამული ენა, სარწმუნოება” ოზურგეთში, გმირთა მოედანზე ათეულობით წლის მანძილზე იყო განთავსებული. 2016 წელს აღნიშნულ ლოკაციაზე ბანკ ”კრედოს” ფილიალი გაიხსნა და წარწერა სარეაბილიტაციო სამუშაოებისას მოხსნილი იქნა.