ოზურგეთში “ალტ-ინფოს” ოფისის გახსნა აქციით გააპროტესტეს

ცოტა ხნის წინ ცნობილი გახდა, რომ ოზურგეთში ალტ-ინფოს ოფისი გაიხსნა. ოფისი ჭავჭავაძის ქუჩაზე, “ქართული ოცნების” ოფისის გვერდით ამუშავდა.

ფაქტი მალევე გააპროტესტეს ოზურგეთელებმა. მათი ნაწილი ცოტა ხნის წინ ადგილზე მივიდა და “ალტ-ინფოს” საქმიანობა დაგმო. მათი თქმით, ოზურგეთი არ დაუშვებს ქალაქში პრორუსული ძალების მხარდამჭერი ჯგუფის ფუნქციონირებას. ისინი აცხადებენ, რომ რუსული პროპაგანდის ადგილი ოზურგეთში არ არის და ე. წ. რუსეთუმეებს აქ დამკვიდრების  საშუალებას არ მისცემენ, გაუშვებენ იქ სადაც რუსულ ხომალდებს უშვებენ.

ადგილზე მისულ ოზურგეთელებს ოფისი დაკეტილი დახვდათ, ხოლო ადამიანები ვინც ოფისი გახსნეს უკვე წასულები აღმოჩნდნენ.

სამოქალაქო აქტივისტებმა უფრო ფართომასშტაბიანი აქცია ორშაბათს დაანონსეს.