ოზურგეთის სასაფლაოებზე ჯარი და პოლიცია დგას

დღეს მიცვალებულთა ხსენების დღესთან დაკავშირებით ოზურგეთში სასაფლაოებთან სამართალდამცავები და სამხედრო მოსამსახურეები დგანან. როგორც ისინი პირად საუბრებში ამბობენ, რამდენიმე შემთხვევა იყო, როცა მოქალაქეებს სასაფლაოზე შესვლის მცდელობა ჰქონდათ, თუმცა თითოეული შემთხვევა ინციდენტების გარეშე დასრულდა და მოქალაქეები კანონს დაემორჩილნენ. პოლიცია და ჯარი სასაფლაოებთან, სავარაუდოდ, დღის ბოლომდე იქნება განლაგებული.