ოზურგეთის საკრებულოს სხდომა კვლავ ხმაურის და დაპირისპირების ფონზე წარიმართა

ხმაური და დაპირისპირება იყო დღეს ოზურგეთის მუნიციპალიტეტის საკრებულოში, “ერთიანი ნაციონალური მოძრაობის ” დეპუტატმა თათია ნიკოლაიშვილმა რიგგარეშე საკითხად ოზურგეთში არსებული ინფრასტრუქტურული პრობლემები დააყენა და მთელი რიგი ქუჩების მოასფალტება ითხოვა. თათია ნიკოლაიშვილს მეგაფონის გამოყენება დასჭირდა, რომ მისთვის კოლეგებს მოესმინათ. მმართველი პარტია კი ამბობს , რომ ოპოზიციონერმა დეპუტატმა რიგგარეშე საკითხის დასმით რეგლამენტი დაარღვია და მისი საქციელი პოპულიზმი იყო. საკრებულოს თავმჯდომარემ ოპოზიციონერი დეპუტატები გააფრთხილა, რომ მსგავსი ხმაურის გამოწვევის შემთხვევაში სამართალდამცავებს გამოიძახებდა და მათ დარბაზიდან გაიყვანდა. ნაციონალური მოძრაობის წევრებმა სხდომა პროტესტის ნიშნად დატოვეს.