ოზურგეთის მუნიციპალიტეტის საკრებულოს თანამდებობის პირების ხელფასების გაზრდის შემდეგ ახლა უკვე იზრდება საკრებულოს რიგითი წევრების ხარჯების ანაზღაურებაც. ამის შესახებ დღეს საკრებულოს სხდომაზე თავმჯდომარის მოადგილემ ლავრენტი ბიგვავამ ისაუბრა.
”გასული წლის დეკემბრის თვეში ჩვენ განვახორციელეთ გარკვეული ცვლილებები საკრებულოს თანამდებობის პირებთან მიმართებაში, შესაბამისად, ეს ცვლილებები არ შეხებიათ რიგით წევრებს, მათ, ვისაც თანამდებობა არა აქვთ. მათ მიერ შესრულებული სამუშაოს ხარისხი მეტწილად განსაზღვრავს საკრებულოს საქმიანობას, ამიტომ საკრებულოს აპარატმა მოამზადა პროექტი რომლითაც ზღვრული ოდენობა საკრებულოს რიგითი წევრების ხარჯების ანაზღაურებასთან მიმართებით განისაზღვრა და გახდა 935 ლარი, საერთო ჯამში გაიზარდა 85 ლარით. საკრებულოს თითოეულმა წევრმა უნდა მიიღოს თანხა იმ ხარჯების ასანაზღაურებლად, რასაც ეწევა. აღნიშნული ძალაში შედის 2025 წლის 23 იანვრიდან” – განაცხადა ლავრენტი ბიგვავამ.
აღნიშნულ საკითხზე განკარგულება საკრებულოს სხდომაზე ხმათა უმრავლესობით მიღებული იქნა.
Loading ...
