ოზურგეთის მუნიციპალიტეტსა და პოლონეთის ქალაქ ჰელმს შორის ურთიერთთანამშრომლობის შეთანხმებას მოეწერა ხელი

ოზურგეთის მუნიციპალიტეტის დელეგაცია, მერის – ავთანდილ თალაკვაძის ხელმძღვანელობით ოფიციალური ვიზიტით პოლონეთში იმყოფება. სამუშაო შეხვედრები გაიმართა ქალაქ ჰელმის მუნიციპალიტეტის მერთან იაკუბ ბანაშეკთან და საკრებულოს წარმომადგენლებთან, სადაც ხელი მოეწერა მნიშვნელოვან შეთანხმებას, რომელიც კულტურის, ტურიზმის, გარემოს დაცვის, საბინაო ფონდის განვითარებისა და სოციალური დაცვის საკითხებს მოიცავს. მხარეებმა ერთობლივი პროექტების განხორციელების შესაძლებლობა და ორმხრივი თანამშრომლობის საკითხები განიხილეს.

მასალა მოწოდებულია ოზურგეთის მუნიციპალიტეტის მერიის პრესსამსახურის მიერ.