ოზურგეთის მიუსაფარ ცხოველთა თავშესაფარს ქრისტი ორაგველიძე უხელმძღვანელებს. ის მოვალეობის შესრულებას უკვე დღეიდან შეუდგა. ქრისტი ორაგველიძე აღნიშნულ სფეროში დიდი ხნის გამოცდილებით გამოირჩევა. ის მრავალი წლის განმავლობაში იყო ცხოველთა უფლებების დამცველი და სამოქალაქო აქტივისტი, როგორც აღნიშნული მიმართულებით, ასევე საზოგადოებრივად მნიშვნელოვანი სხვა საკითხების ადვოკატირებისას.
”დიდი ხანი ვიფიქრე ამ შემოთავაზებაზე და საბოლოოდ დავთანხმდი. ჩემი მთავარი მიზანია თავშესაფარში იყოს მაქსიმალური ღიაობა. ჩვენი კარი ყველასთვის ღია იქნება და მინდა თავშესაფრის მართვაში ჩაერთოს, როგორც აქტივისტები, ისე ცხოველთა მოყვარულები, უფლებადამცველები და ზოგადად ყველა ადამიანი, ვისაც გული შეტკივა ცხოველებზე. მივიღებთ ყველანაირ შენიშვნას, გავითვალისწინებთ მაქსიმალურად და აღმოვფხვრით ხარვეზებს. მთავარია დავიცვათ საჭირო სტანდარტები – ცხოველების უსაფრთხოება, კვება და ა.შ. ყველაზე მნიშვნელოვანია, რომ აქ გადმოყვანილ ძაღლებს ოპერაციები ჩაუტარდეთ სათანადო პიროებებში. ასევე, ჩატარდეს სტერილიზაცია, კასტრაცია და დაყოვნების დროს მათი უსაფრთხოება, კვება და მოვლა–პატრონობა იყოს სათანადო” – აღნიშნა ქრისტი ორაგველიძემ ”გურიაTV”-თან საუბრისას.
Loading ...
