ოზურგეთის “მერცხალმა” სტუმრად დიდი ანგარიშით გაიმარჯვა

საქართველოს საფეხბურთო ჩემპიონატის მეოთხე ლიგაში ოზურგეთის “მერცხალი” სტუმრად, თბილისში “მერანი 2”-ს შეხვდა.

შეხვედრა ოზურგეთელთა დიდი უპირატესობით წარიმართა, რაც შედეგზეც აისახა. “მერცხალმა” მასპინძლები დიდი ანგარიშით 4:0 დაამარცხა.

ოზურგეთელთაგან სამი გოლი  გიორგი ჭანუყვაძემ (7, 45+2 და 59 წთ) გაიტანა, ერთი კი თენგიზ ალიევმა (30 წთ).

ამ გამარჯვების  შემდეგ “მერცხალს”  25 ქულა აქვს და  მე-12 ადგილზე იმყოფება.

მორიგ შეხვედრას “მერცხალი” 30 ოქტომბერს საკუთარ მოედანზე გამართავს, სადაც “ჩიხურას” უმასპინძლებს.