ოზურგეთის “მერცხალის” მეორე გამარჯვება მეორე წრეში

საფეხბურთო კლუბმა “მერცხალმა” რეგიონული ლიგის მე-2 წრე წარმატებით დაიწყო. ოზურგეთელმა ფეხბურთელებმა ზედიზედ მეორე გამარჯვება მოიპოვეს, ორივე მოიგო დიდი ანგარიშით.

30 აგვისტოს “მერცხალმა” გასვლით შეხვედრაში სენაკის „ეგრისი“ ანგარიშით 6:0 დაამარცხა.

დღეს კი კვლავ დიდი ანგარიშით, ამჯერად საკუთარ მოედანზე ჩოხატაურის “ბახმარო 2” დაამარცხა. გურულ დერბიში ოზურგეთელებმა 5 უპასუხო გოლი გაუტანეს მეტოქეს.

ამ გამარჯვების შემდეგ “მერცხალმა” 37 ქულა მოაგროვა და საქართველოს ჩემპიონატის რეგიონული ლიგის “გ” ჯგუფის პირველ ადგილზე გადაინაცვლა.

მეორე ადგილზე აბაშის “ზანა” იმყოფება, რომელსაც 35 ქულა აქვს, თუმცა აბაშელებს მეთხუტმეტე ტურში ჯერ არ უთამაშიათ.