ოზურგეთის “მერცხალი” ხვალ საკუთარ მოედანზე მორიგ შეხვედრას გამართავს

საქართველოს საფეხბურთო ჩემპიონატის მეოთხე ლიგაში ხვალ, 13 მაისს  მეშვიდე ტურის მატჩები გაიმართება.

ოზურგეთის “მერცხალი” სამკვირიანი პაუზის შემდეგ სახლში ბრუნდება და საკუთარ მოედანზე  “სამგურალ 2”-ს უმასპინძლებს.

შეგხსენებთ, რომ წინა ტურში “მერცხალი” სტუმრად გათამაშების ლიდერს, ქუთაისის “ტორპედო 2”-ს შეხვდა და ქულა მოიპოვა, მატჩი ფრედ, 2-2 დასრულდა.

6 ტურის  შემდეგ “მერცხალს”  13 ქულა აქვს და მიუხედავად იმისა, რომ მხოლოდ ერთი ქულით ჩამორჩება ლიდერებს, გათამაშების ცხრილში ამ მომენტისთვის მე-4 ადგილზე იმყოფება. ცხრილის სათავეში მყოფ ორ გუნდს ერთნაირი 14-14 ქულა აქვთ.

რაც შეეხება ჩოხატაურის ბახმაროს, რომელიც 3 ქულით მე-15 ადგილზეა. ჩოხატაურელები ხვალ სტუმრად წალენჯიხაში “სქურს”შეხვდებიან.

ხვალინდელი მატჩი ოზურგეთის ცენტრალურ სტადიონზე 16 საათზე დაიწყება.