ოზურგეთის მუნიციპალუტეტის საკრებულოს წევრი ”ნაციონალური მოძრაობიდან” ბესო ქათამაძე სოციალურ ქსელში განცხადებას აქვეყნებს და კორუფციაში ადანაშაულებს.
”ამ დროს და ასეთ ვითარებაშიც რომ ფულის გაკეთებაზე ფიქრობენ ძალიან სირცხვილია.
ოზურგეთის მუნიციპალიტეტის მერიამ, სოციალურად დაუცველებისთვის განკუთვნილი პროდუქტები, გაორმაგებულ ფასებში ერთპირთან მოლაპარაკების გზით შეისყიდა. რა დროსაც 10 000 ლარზე მეტით ზედმეტი გდაიხადეს არსებულ ფასებთან შედარებით.
ოზურგეთის მუნიციპალიტეტის საკრებულო რას ფიქრობთ თქვენ, ჩვენი მოყვანილია გადმოგვაბრალებთ და ბრიფინგზე დაგმობთ” – წერს დეპუტატი.
დეპუტატის ბრალდებას ოზურგეთის მერია ოფიციალური განცხადებით გამოეხმაურა.
”გავრცელებულ ინფორმაციასთან დაკავშირებით, რომელიც ოზურგეთის მუნიციპალიტეტის მერიის მიერ სოციალურად დაუცველი ოჯახებისთვის საკვები პროდუქტების ერთ პირთან მოლაპარაკების საფუძველზე შეძენას ეხება განვმარტავთ, რომ მოკვლეულ იქნა ბაზარი და შესყიდვა განხორციელდა კანონმდებლობის სრული დაცვით.
დასახელებული ფასები მოიცავდა დასაწყობების, შეფუთვისა და მუშახელის ანაზღაურების ხარჯებს.
ოზურგეთის მუნიციპალიტეტის მერია გამოთქვამს მზადყოფნას დააკმაყოფილოს ნებისმიერი დაინტერესებული პირის ინტერესი აღნიშნულთან დაკავშირებით!” – აცხადებენ მერიაში.
Loading ...
