ოზურგეთში, მეოთხე საჯარო სკოლის წინ პედაგოგები და მშობლები გამაფრთხილებელ აქციას მართავენ. აქციის მიზანი სკოლის დირექტორის ტარიელ კალანდაძის მხარდაჭერაა. როგორც ცნობილია, ტარიელ კალანდაძეს დირექტორობის არჩევნებში მონაწილეობაზე უარი ეთქვა. როგორც აქციის წევრები ამბობენ, მათთვის აღნიშნული გადაწყვეტილება მიუღებელია, რადგან პედაგოგების განცხადებით კალანდაძე პროფესიონალი და საუკეთესო მენეჯერია და სკოლის ყველა წარმატება მას უკავშირდება. აქციაზე იმყოფებიან მშობლებიც, რომელთა ნაწილი აცხადებს, რომ თუ ტარიელ კალანდაძეს არჩევნებში მონაწილეობის მიღების საშუალება არ მიეცემა, შვილებს სკოლაში აღარ ატარებენ და სხვა სკოლებში გადაიყვანენ. ტარიელ კალანდაძე ოზურგეთის მეოთხე საჯარო სკოლას 35 წელია ხელმძღვანელობს. ის მენტორი მასწავლებელია.
ვრცლად მეოთხე საჯარო სკოლის დირექტორის ირგვლივ განვითარებული მოვლენების შესახებ იხილეთ დღეს, 20 და 30 წუთზე და 23 საათზე ტელეკომპანია “გურიაTV”-ის საინფორმაციო გამოშვებაში “გურიის ახალი ამბები”.
Loading ...