გუშინ ოზურგეთის მედალფას კლინიკაში სოფ. ნატანებიდან მშობიარე შეიყვანეს. 23 წლის ახალგაზრდა ქალბატონს კლინიკაში შესვლამდე ტესტი აუღეს და ის კოვიდ დადებითი აღმოჩნდა. ახალგაზრდა ქალბატონისათვის ეს რიგით მესამე საკეისრო კვეთა იყო და იგი , მისი მდგომარეობიდან გამომდინარე რთულ მშობიარედ ითვლებოდა.
საკეისრო კვეთით დაიბადა გოგონა, რომელსაც კოვიდი დედისგან განსხვავებით არ დაუდასტურდა. პატარა მაია, რომელიც 3 კილოგრამი დაიბადა ახალშობილთა განყოფილებაში, ექიმებისა და ექთნების მზრუნველობის ქვეშ იმყოფება. იგი ბინაზე ხვალ გაეწერება. რაც შეეხევა დედას, ის ჯერჯერობით მკურნალობას ოზურგეთის კლინიკა ,,მედალფას ,, კოვიდგანყოფილებაში განაგრძობს. მისი მდგომარეობა დამაკმაყოფილებელია.