ოზურგეთის დემოკრატიული ჩართულობის ცენტრი 14 წლიანი მუშაონის შემდეგ დაიხურა.
დემოკრატიული ჩართულობის ცენტრების ქსელის აღმასრულებელმა დირექტორმა ნინა ხატისკაცმა ინფორმაცია დაადასტურა. შეგახსენებთ, რომ ოზურგეთის დემოკრატიული ჩართულობის ცენტრი 2011 წლის 4 ნოემბერს მაშინდელმა ამერიკის შეერთებული შტატების ელჩმა საქართველოში, ჯონ ბასმა გახსნა. მას შემდეგ ცენტრი აქტიურად მუშაობდა. იგი ოზურგეთის სამოქალაქო საზოგადოების ერთგვარი ჰაბი გახდა, რომელიც ერთი მხრივ ინიცირებასა და ფასილიტაციას უწევდა ადგილობრივ პრობლემურ საკითხებზე დისკუსიების დღის წესრიგში დაყენებას, ხოლო მეორე მხრივ სთავაზობდა საზოგადოებას ყველასთვის თანაბარ ხელმისაწვდომ სივრცეს დიალოგისთვის.
ცენტრმა გახსნის დღიდან დღემდე უმასპინძლა 2500-მდე შეხვედრას, რომლებშიც 35000-ზე მეტმა მოქალაქემ მიიღო მონაწილეობა. ცენტრი წლების განმავლობაში ინარჩუნებდა ყველასთვის თანაბრად ხელმისაწვდომი, დემოკრატიული სივრცის იმიჯს, რომლის სერვისებითაც აქტიურად სარგებლობდნენ საზოგადოებრივი ორგანიზაციები, სახელმწიფო და თვითმმართველობის ორგანოები, კომერციული ორგანიზაციები, მედია და რიგითი მოქალაქეები. ნინა ხატისკაცის თქმით, ოზურგეთის გარდა, ოფისები ქუთაისში და ახალციხეში დაიხურა.
Loading ...
