20 მაისს ქ. ბათუმში, ფარიკაობაში სპორტის დამსახურებული მოღვაწის, თენგიზ მორჩილაძის სახელობის ტურნირი გაიმართა. ასპარეზობაში მონაწილეობა ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა, ფარიკაობის სექციის სპორტსმენებმა მიიღეს. შეჯიბრი ორ ასაკობრივ ჯგუფში ( 2004 – 05 წწ ; 2006 – 07) გაიმართა. ოზურგეთელმა სპორტსმენებმა დაშნით ფარიკაობაში წარმატებით იასპარეზეს და ერთი ოქროსა და ერთი ვერცხლის მედალი მოიპოვეს. გუნდურში კი ოზურგეთი მესამე ადგილზე გავიდა. ოზურგეთელთაგან მედლები მოიპოვეს ლევან ბოლქვაძე I ადგილი ( 2007 წ.) გიორგი ფუტკარაძე II ადგილი ( 2004 წ.), ოზურგეთის გუნდი ასპარეზობისთვის მალხაზ კვაჭაძემ მოამზადა.
კომენტარები
Loading ...