ოზურგეთელი მორაგბეების კიდევ ერთი გამარჯვება

ოზურგეთის “არწივებმა” საქართველოს სარაგბო ჩემპიონატის პირველ ლიგაში მიმდინარე წლის ბოლო მატჩში კვლავ გაიმარჯვეს. ამჯერად მათ სტუმრად იასპარეზეს და ქუთაისის “ბაგრატი” ანგარიშით 19:54 დაამარცხეს. დღევანდელ მატჩში ქულათა ავტორები არიან: ჯავას მკულვანი – 2 ლელო, ილისონი გალალა – 2 ლელო, მარვინ ფრედერიქსი – 1 ლელო და 7 გარდასახვა, დავიან სვანეპოელ – 1 ლელო, კახაბერ დარბაიძე – 1 ლელო, დავით კვაჭანტირაძე – 1 ლელო. ოზურგეთელებმა წელს 11 თამაშიდან 11-ივე მოიგეს.