ოზურგეთელმა მკლავჭიდელებმა ევროპის ჩემპიონატის საგზური მოიპოვეს

თბილისში მკლავჭიდში საქართველოს პირველობა გაიმართა. იგი შესარჩევი ჩემპიონატი იყო ევროპის ჩემპიონატის საგზურის მოსაპოვებლად, რომელიც მოლდოვაში 9 – 12 ივნისს გაიმართება. ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა მკლავჭიდის სექციის სპორტსმენებმა ევროპაში ასპარეზობის საგზური მოიპოვეს და საქართველოს პირველობაზე საუკეთესო შედეგი აჩვენეს! ოზურგეთის სახელით , მკლავჭიდში ევროპის ჩემპიონატზე გაემგზავრებიან: საბა ეზიეშვილი 60 კგ. (მარცხენა მკლავი), დაჩი ჩხაიძე 60 კგ ( მარცხენა მკლავი), ანრი სურმანიძე 85 კგ ( მარცხენა მკლავი).  მწვრთნელები: გიორგი რუსიეშვილი, ილია ჟვანია, ზურა ბურჭულაძე.