ოზურგეთელი მოჭიდავის ვერცხლის მედალი საერთაშორისო ტურნირზე

8 – 9 თებერვალს ესტონეთში ბერძნულ – რომაულ ჭიდაობაში საერთაშორისო ტურნირი გაიმართა. შეჯიბრში მონაწილეობა მიიღო და წარმატებით იასპარეზა ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანების ბერძნულ-რომაული ჭიდაობის სექციის სპორტსმენმა ნიკოლოზ ღლონტმა. ნიკამ 72 კგ წონით კატეგორიაში იჭიდავა, პოლონეთისა და დანიის წარმომადგენლები დაამარცხა და ვერცხლის მედალი მოიპოვა. ნიკოლოზ ღლონტს ასპარეზობებისთვის გურამ მაჭარაშვილი ამზადებს.