ოზურგეთელი მოჭიდავეების წარმატება საქართველოს პირველობაზე

18 – 20 მარტს თბილისში სპორტის სასახლეში ბერძნულ – რომაულ ჭიდაობაში, ოცდასამწლამდელთა შორის, საქართველოს პირველობა გაიმართა. შეჯიბრზე წარმატებით გამოვიდნენ ოზურგეთელი მოჭიდავეები: გიორგი თოხაძე – I ადგილი – 55 კგ,  საბა მამალაძე – III ადგილი – 82 კგ, კუკური ბარბაქაძე – III ადგილი – 130 კგ. ასევე საქართველოს პირველობაზე მეორე ადგილზე გავიდა და ტრავმის გამო ფინალში ვერ იასპარეზა რობიზონ ესაძემ, რომელიც 130 კგ კატეგორიაში გამოდიოდა. საქართველოს პირველობაზე ოზურგეთმა მესამე გუნდური ადგილი დაიკავა. მოჭიდავეები ასპარეზობისათვის მწვრთნელებმა : კობა ბალავინოვმა, ვლადიმერ ზურაბიანმა, ირაკლი ზურაბიანმა, უჩა მჟავანაძემ და ზურა ცინცაძემ მოამზადეს.