ოზურგეთელი მორაგბეების პირველი გამარჯვება “დიდ ათში”

ოზურგეთის სარაგბო კლუბმა “არწივებმა” საქართველოს სარაგბო ჩემპიონატის “დიდ ათში” პირველი გამარჯვება მოიპოვა. ტურნირის მესამე ტურში ოზურგეთელები სტუმრად, თბილისში “აკადემიას” შეხვდნენ და ანგარიშით 75:13 გაიმარჯვეს.

“დიდი ათის” პირველ ტურში “არწივები” რუსტავის “ხარებთან”, ხოლო მეორე ტურში ბოლნისის “ყოჩებთან” დამარცხდნენ.

მეოთხე ტურში “არწივები” 8 ოქტომბერს ქუთაისის  “აიას” დაუპირისპირდებიან. შეხვედრა ფოთში, 14 საათზე გაიმართება.