ABC News-ის ინფორმაციით, ნიუ-იორკის LaGuardia-ს აეროპორტში ღამით ავიაკომპანია Air Canada-ს რეგიონული თვითმფრინავი აეროპორტის სახანძრო მანქანას შეეჯახა, რის შედეგადაც ორი ადამიანი გარდაიცვალა.
წყაროების თქმით, ავარიის დროს დაღუპული ორი პირი თვითმფრინავის პილოტები არიან, თუმცა, მაღალჩინოსნები დაღუპულთა იდენტობების დადასტურების მოლოდინში არიან.
მაღალჩინოსნებმა ABC News-ს ასევე აცნობეს, რომ ინციდენტის შედეგად საავადმყოფოში 13 დაშავებული გადაიყვანეს, მათ შორის არიან 11 მგზავრი და პირველადი რეაგირების ჯგუფის ორი წევრიც. მომხდარის გამო ორშაბათს დროებით დაიხურა აეროპორტი.
Flightradar24-ის მონაცემების მიხედვით, რეგიონული თვითმფრინავი, რომელიც ავარიაში მოყვა, ნიუ-იორკში მონრეალიდან ჩაფრინდა. სახანძრო მანქანასთან შეჯახების მიზეზი ჯერჯერობით უცნობია.
კომენტარები
Loading ...