ნიკა მელიამ გამარჯვების შემთხვევაში დედაქალაქის მერის მოადგილეობის კიდევ სამი კანდიდატი დაასახელა

„ნაციონალური მოძრაობის“ თავმჯდომარე და თბილისის მერობის კანდიდატმა ნიკა მელიამ დედაქალაქის მერის კიდევ ერთი მოადგილის კანდიდატურად ზურაბ ჯაფარიძე წარადგინა.

ამის შესახებ მელიამ პრეზენტაციაზე განაცხადა, სადაც თბილისის მერიის კოალიციური გუნდის წევრებს წარადგენს.

„ამ ადამიანს ყველაზე ბევრი მხარდაჭერა აქვს ახალგაზრდებში. ახალგაზრდებში, რომლებიც ჩვენი მოამავალია და რომლისთვისაც ყველაფერი უნდა გავაკეთოთ, რომ მათ თბილისში ცხოვრება და დასაქმება უხაროდეთ“,- განაცხადა მელიამ.

ნიკა მელიამ დღეს დედაქალაქის მერის  მოადგილის კანდიდატად ელენე ხოშტარია და ირაკლი  აბესაძე დაასახელა.

შეგახსენებთ, რომ მერის მოადგილის კანდიდატად მელიამ ასევე წარადგინა „ლელოს“ ლიდერი მამუკა ხაზარაძე.