პარტია ”ახალის” ლიდერებმა ნიკა გვარამიამ და ნიკა მელიამ ოზურგეთში მოსახლეობასთან შეხვედრა გამართეს. შეხვედრის დაწყებამდე ლიდერები ქალაქის ქუჩებში იმყოფებოდნენ და მოსახლეობას გაესაუბრნენ. როგორც ისინი ამბობენ, შეხვედრების მთავარი მიზანი აქტიური წინასაარჩევნო კამპანიის დაწყება და ”ქართული ოცნების” დამარცხებაა.
”პარტია ”ახალმა” დაიწყო აქტიური საარჩევნო კამპანია და ეს კამპანია გაგრძელდება არჩევნებამდე, მჯერა, რომ საზოგადოება, რომელიც ისედაც მობილიზებული და ცვლილებების მოლოდინშია, კიდევ უფრო უკეთეს ფორმაში შევა და ეს დემოკრატიული ტალღა ნამდვილად დაარტყამს ”ქართულ ოცნებას”. ცვლილებები უკეთესობისთვის იქნება თანმდევი ქართველი ხალხის გამარჯვების და ამას ემსახურება ეს კამპანია, რომელიც უკვე სამი დღეა, რაც დავიწყეთ.” – ნიკა მელია
”ამ შეხვედრების მიზანი არის ბიძინა ივანიშვილის წასვლა ამ ქვეყნიდან, ამომრჩეველთან საუბარი და იმის თქმა, თუ რას ვგეგმავთ, რატომ დავდივართ და რა გვინდა.პირისპირ ადამიანებთან დალაპარაკება ძალიან კარგია. ” – ნიკა გვარამია
Loading ...