ნიკა გვარამია 500 ლარით დააჯარიმეს

„მთავარი არხის“ გენერალური დირექტორი ნიკა გვარამია მოსამართლე გიორგი არევაძემ „სასამართლოსა და მოსამართლის შეურაცხყოფისთვის” 500 ლარით დააჯარიმა.

არევაძემ სასამართლოს სხდომაზე გვარამიას ის განცხადებები შეახსენა, რის გამოც ის 3 იანვარს სხდომიდან გააძევა.

გვარამიამ მისივე განცხადებებთან, რომელმაც მოსამართლეს არაადეკვატური უწოდა და ეჭვი შეიტანა, რომ ის არ იყო ფხიზელი, თქვა, რომ ეს მისი გამოხატვის თავისუფლება და პირადი მოსაზრებაა.

მოსამართლემ მიიჩნია, რომ ამგვარი შეფასებები სასამართლოსა და მისი შეურაცხყოფაა და გვარამია დააჯარიმა.

„თქვენი საქციელი იმსახურებს იმას, რომ აქვე დაგაკავოთ, მაგრამ არ მინდა მე ეს“, – მიმართა მოსამართლემ გვარამიას.