ცნობილი ხდება, რომ ალეკო მალხაზიშვილმა და მისი გუნდის არასრულმა შემადგენლობამ “რუსთავი 2” დატოვა და სამუშაოდ “ფორმულაზე” გადავიდნენ.
“კომედი ჯგუფი” “რუსთავი 2”-ზე “ნიკა არაბიძის შოუს”, “ფარულ კონვერტს”, “ანეკდოტების შოუს”, “გააცინე და მოიგეს” და “კომედი შოუს” აკეთებდა.
არხიდან წასული ნიკა არაბიძე და ალეკო მალხაზიშვილი “რუსთავი 2”-ს თანამშრომლობისთვის მადლობას უხდიან და ამბობენ, რომ ახალი მენეჯმენტის მხრიდან მათ თავისუფლებაში არანაირი ჩარევა არ ყოფილა.
– საინტერესო შემოთავაზება მივიღეთ, გავხადოთ “ფორმულა” წარმატებული არხი. ეს ჩვენი გუნდითვის დიდი მოტივაციაა კრეატიული წინსვლისა და განვითარებისთვის. ამიტომაც დავთანხმდით. “რუსთავი 2”-ზე კარგის მეტი არაფერი მეთქმის. – აცხადებს “პრაიმამბებთან” ინტერვიუში კომედი გრუპის ხელმძღვანელი ალეკო მალხაზიშვილი.
“ფორმულაზე” გადავდივართ მთელი გუნდი და მათ შორის “ნიკა არაბიძის შოუც”, ახლა ვწერ სეზონის ბოლო გადაცემას “რუსთავი 2”-თვის. არანაირი დაპირისპირების და ფინანსურად უფრო მომგებიანი შემოთავაზების გამო, არ მივდივართ “ფორმულაზე”, უბრალოდ ახლა ასე გადავწყვიტეთ. – აცხადებს იუმორისტი ნიკა არაბიძე.
Loading ...