„ერთიანი ნაციონალური მოძრაობის“ წევრები ხატია დეკანოიძე და სალომე სამადაშვილი ზუგდიდის პოლიციის სამმართველოს შენობასთან იმყოფებიან და პოლიციის უფროს ირაკლი ფაცაციასთან შეხვედრას მოითხოვენ. მათი განცხადებით, პოლიციის უფროსმა პასუხი უნდა გასცეს შეკითხვას, თუ რატომ იყვნენ სამართალდამცავები უმოქმედოდ და რატომ არ დაიცვეს ვანდალიზმისგან „ნაციონალური მოძრაობის“ ზუგდიდის ოფისი. დეკანოიძის და სამადაშვილის მოთხოვნაა, რომ მათ ფაცაცია მედიის წარმომადგენლების თანდასწრებით შეხვდეს.
3 დეკემბერს, ზუგდიდში გაიმართა „ნაციონალური მოძრაობის“ საწინააღმდეგო აქცია, რომლის მონაწილეებმა პარტიის ოფისს კვერცხები, ბოთლები, ცოცხები და რკინის ყავარჯნები დაუშინეს და ფასადის შუშა ჩაამსხვრიეს.
www.radiotavisupleba.ge
კომენტარები
Loading ...
