ნატო ჯიბუტი – ჩოხატაურში დაძაბული ეპიდვითარებაა

როგორი ეპიდვითარებაა ჩოხატაურში. ამის შესახებ გავესაუბრეთ საზოგადოებრივი ჯანდაცვის ცენტრის დირექტორს, ქალბატონ ნატო ჯიბუტს.

ზოგადად დაძაბული ეპიდვითარებაა ჩოხატაურში, ბოლო 24 საათის განმავლობაში აღირიცხა 119 ახალი შემთხვევა, ამ რაოდენობით შემთხვევები არც ერთი ტალღის დროს არ გვქონია, პერიოდულად იკვეთება სოფლები, სადაც აღინიშნება შემთხვევების მატება, რაც გავლენას ახდენს სოფელში სკოლების, საბავშვო ბაღების ფუნქციონირებაზე. ინფიცირებულთა რაოდენობის მატება აღინიშნება გუთურში, ქვენობანში, შუა ამაღლებაში, ხიდისთავში, ზოტში.

იზოლაციის ვადები შემცირდა როგორც ინფიცირებული პირებისთვის, ასევე მათთან კონტაქტირებული პირებისთვის. რაც შეეხება  საკარანტინო ვადებს –  კონტაქტირებული პირებისათვის შემცირებულია 5 დღემდე, მაგრამ მკაცრად პირბადის ტარება 12 დღის განმავლობაში. პაციენტებისათვის შემცირდა 7 დღემდე, გამონაკლისია სტრატეგიული ობიექტების თანამშრომელთა შემთხვევაში. ეს უსიმპტომო და მსუბუქი სიმპტომების მქონე პაციენტებში, ხოლო საშუალო და მძიმედ მიმდინარეობის შემთხვევაში 10 კალენდარული დღის განმავლობაში.

• და ბოლოს, ქალბატონი ნატოს იმედიანი რეკომენდაციები:
• ვაქცინაცია,
• ფიზიკური დისტანცია,
• პირბადის სწორად ტარება,
• ნუ მივეჩვევით და ნუ გავუთამამდებით კორონა ვირუსს მეგობრებო!

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა თაკო ასიეშვილმა მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.