ნამახვანჰესის საწინააღმდეგო აქცია თბილისში, 23 მაისს რესპუბლიკის მოედანზე გაიმართება. ამის შესახებ აქციის ერთ-ერთმა ორგანიზატორმა, ვარლამ გოლეთიანმა განაცხადა.
მისი თქმით, ისინი რესპუბლიკის მოედანზე 14:00 საათზე შეიკრიბებიან.
გოლეთიანი საზოგადოებას აქციაზე მისვლისკენ მოუწოდებს და აღნიშნავს, რომ ამ დღემ “თავისი სიტყვა უნდა თქვას”.
“უმნიშვნელოვანესია ჩვენი შეკრება იქ. კიდევ მეტი უნდა გავხდეთ, ეს არის მნიშვნელოვანი. მინდა მოგიწოდოთ დიდი ერთობისკენ. 23 მაისმა უნდა თქვას თავისი სიტყვა ამ მიმართულებით, ხელისუფლებამ შეხედოს ერთ მნიშვნელოვან რამეს, ჩვენი სიმრავლე ვერ იქნება დაძლევადი ვერცერთი მათთვის კარგად ნაცადი ხერხით”, – აცხადებს გოლეთიანი.