წყალტუბოს მუნიციპალიტეტის სოფელ ნამოხვანში, „ნამახვანჰესის“ მშენებლობის საწინააღმდეგო აქციის ერთ-ერთი მონაწილე მდინარეში შევიდა და გარდაიცვალა. ინფორმაცია საქართველოს პირველ არხს აქციის ერთ-ერთმა ორგანიზატორმა, ვარლამ გოლეთიანმა დაუდასტურა.
„დაახლოებით ერთი საათის წინ, მამაკაცმა თავისი ტელეფონი მდინარის პირას მყოფ ერთ-ერთ აქტივისტს მიაწოდა და წყალში შევიდა. იქვე მყოფებმა ახალგაზრდა კაცის გადარჩენა სცადეს, მაგრამ ის მდინარის სიღრმისკენ მიცურავდა, ბოლოს კი, დინებამ წაიღო.
ცხედარი ამ დრომდე არ უპოვიათ. ამ ეტაპზე გამიჭირდება თქმა, უკავშირდება თუ არა მისი გადაწყვეტილება „ნამახვანჰესის“ მშენებლობას“, – განუცხადა საქართველოს პირველ არხს ვარლამ გოლეთიანმა.
გამოცემა “რეგინფოს” ინფორმაციით, მამაცაცი, რომელმაც თავი მოიკლა, მეგობართან ერთად ნამოხვანში გუშინ თბილისიდან ჩავიდა და კარავში მხოლოდ ერთი ღამის განმავლობაში იმყოფებოდა. ამიტომ, აქტივისტები მას კარგად არ იცნობდნენ.
შსს-ში საქართველოს პირველ არხს განუცხადეს, რომ ადგილზე მაშველები მუშაობენ.
Loading ...