„ნამახვანჰესის“ მოწინააღმდეგეები რესპუბლიკის მოედნიდან „მშრალი ხიდისკენ“ მსვლელობით მიემართებიან

რესპუბლიკის მოედანზე “ნამახვანჰესის” წინააღმდეგ მიმდინარე აქციის მონაწილეები „მშრალ ხიდამდე” საპროტესტო მსვლელობით მიემართებიან.

როგორც აქციის ერთ-ერთმა ორგანიზოტრმა ვარლამ გოლეთიანმა განაცხადა, მანამდე პარლამენტთან მისვლას და პარლამენტის თავმჯდომარე კახა კუჭავასთან გეგმავდნენ საუბარს, თუმცა მათგან განმეორებით პასუხი არ მიუღიათ, შესაბამისად საკუთარ სამოქმედო გეგმას არ გადაუხვევენ.

,,არანაირი კომუნიკაცია მათგან არ არის და არ ვაპირებთ, რომ რევერანსები ვაკეთოთ. გვაქვს ჩვენი მკაფიო მოქმედების გეგმა. დავიწყებთ მსვლელობას მშრალი ხიდის მიმართულებით. გავჩერდებით და გადაიკეტება მოძრაობა. მივმართავთ სიტყვით და მკაფიოდ ვიტყვით რა არის ამ ქმედებების განმაპირობებელი”, – აღნიშნა ვარლამ გოლეთიანმა.

ცნობისთვის, ,,ნამახვანჰესის“ მოწინააღმდეგეები ითხოვენ, „ენკამ“ რიონის ხეობა დატოვოს, გაწყდეს კომპანიასთან დადებული ხელშეკრულება და გამოცხადდეს მორატორიუმი. ამასთან, ვარლამ გოლეთიანმა ეკონომიკის მინისტრის ნათია თურნავას და მის წინააღმდეგ სისხლის სამართლის საქმის აღძვრა მოითხოვა.