მსხვერპლით დასრულდა ავტოსაგზაო შემთხვევა ქედაში

ქედაში ავარიია მსხვერპლით დასრულდა. პირველადი ინფორმაციით, ავტო საგზაო შემთხვევას ორი ადამიანის სიცოცხლე ემსხვერპლა.

არსებული ინფორმაციით, ტურისტული მიკროავტობუსი და მაღალი გამავლობის ტრანსპორტი ერთმანეთს მოსახვევში დაეჯახა.

​დაშავებულები სასწრაფო სამედიცინო დახმარების ბრიგადამ ქედის საავადმყოფოში გადაიყვანა.

შემთხვევის ადგილას მობილიზებებულია სასწრაფო-სამედიცინო დახმარების ბრიგადები და საპატრულო პოლიციის ეკიპაჟი.