ტელეკომპანია გურიაTV-ს სოფლების დვაბზუს,ბახვის, ბაღდადის და ცხემლისხიდის მოსახლეობამ მომართა. ადგილობრივები ღია წერილს ავრცელებენ, რომლითაც ბიძინა ივანიშვილს, გარემოს დაცვის მინისტრს ლევან დავითაშვილს, პარლამენტის თავმჯდომარეს არჩილ თალაკვაძეს, გურიის გუბერნატორს ზურაბ ნასარაიას და ოზურგეთის მერს კონსტანტინე შარაშენიძეს მიმართავენ.
წერილი სოფელ დვაბზუში ასფალტის მწარმოებელი ქარხნისა და ქვიშა–ღორღის სამტვრევი მოწყობილობის მუშაობას ეხება. როგორც ადგილობრივები აღნიშნავენ, რომ ისინი გაუსაძლის მდგომარეობაში იმყოფებიან, რაც ხმაურის, სამშენებლო მტვერის და სპეციფიკური სუნით არის გამოწვეული. წერილის ხელმომწერების თქმით, ყველა სამოქალაქო დიალოგი ჩიხში შევიდა და ამჯერად ხელისუფლებას მიმართავენ, რათა ინვესტორისთვის სასწრაფოდ შეთავაზებული იქნას ალტერნატიული ადგილმდებარეობა და გარემოს დაცვის სააგენტომ გააუქმოს ბრძანება, რომელიც ქარხნის მიერ მოწოდებული დოკუმენტაციის შედეგად არასწორად გამოიცა.
”ღია წერილი ოთხი სოფლის: დვაბზუს, ბახვის, ბაღდადის,ცხემლისხიდის სახელით ბატონ ბიძინა ივანიშვილს, გარემოს დაცვის მინისტრს ლევან დავითაშვილს, პარლამენტის თავმჯდომარეს არჩილ თალაკვაძეს, გურიის გუბერნატორს ზურაბ ნასარაიას, ოზურგეთის მუნიციპალიტეტის მერს კონსტანტინე შარაშენიძეს.
სოფელ დვაბზუში, მდინარე ნატანების პირას საცხოვრებელ სახლებთან ახლოს ყოველგვარი შეთანხმების გარეშე ფუნქციონირება დაიწყო ასფალტის მწარმოებელმა მობილურმა ქარხანამ და ქვა-ღორღის სამტვრევმა მოწყობილობამ. წარმოების პროცესის დაწყებისთანავე, მოსახლეობამ გამოიყენა ყველა ლეგიტიმური საშუალება საკუთარი პოზიციის დასაფიქსირებლად.სამოქალაო დიალოგი შევიდა ჩიხში, რის გამოც პრობლემა მოუგვარებელი რჩება და დღემდე უდიდესი ზიანი ადგება მოსახლეობას. ობიექტის სამუშაო მასშტაბიდან გამომდინარე ადამიანები არიან გაუსაძლის მდგომარეობაში ხმაურის, სამშენებლო მტვერის და სპეციფიკური სუნის. გამო.
ქვა-ღორღის გადამეტებული რაოდენობით ამოღებამ სოფელ დვაბზუში გამოიწვია ცენტრალური ხიდის საყრდენების დაზიანება. სახელწმიფო იძულებული გახდა ააგოს ახალი ხიდი. ამ დანაშაულისთვის პასუხი არავისთვის მოუთხოვიათ. (ხიდის მიმდებარედ, 2 კილომეტრზე სამშენებლო მასალების ამოღება დაუშვებელია)
ზემოაღნიშნული საწარმოს იურიდიული დოკუმენტაცია ითვალისწინებს სალექარი აუზის აუცილებელ მშენებლობას. რაც აქ შეუძლებელია მცირე ტერიტორიის გამო. ევროპულ ქვეყნებში ასეთი აუზის უქონლობის შემთხვევაში საწარმოს ხელმძღვანელი ისჯება 15 წლით თავისუფლების აღკვეთით. კანონით, ქვის სამსხვრევი დანადგარი მოსახლეობიდან 1,5 კილომეტრით უნდა იყოს დაშორებული, მაშინ, როცა პირველი მოსახლე სოფელ დვაბზუში 300 მეტრშია.
მიუხედავად არაერთი სიტყვიერი დაპირებისა ადგილობრივი ხელისუფლებისგან, ‘’მხარდაჭერით ისარგებლებდა მხოლოდ ის პროექტები, რომელიც სარგებლის მომტანი იქნებოდა მუნიციპალიტეტისთვის და გამორიცხავდა რამე სახის ზემოქმედებას ადამიანის ჯანმრთელობასა და გარემოზე’’ არ შესრულდა. მიუხედავად ამისა, მოსახლეობა კიდევ ერთხელ გამოთქვამს მზაობას მიღწეულ იქნას შეთანხმება, რომელიც არ დააზიანებს არცერთი მხარის ინტერესებს.
აქედან გამომდინარე, მოვითხოვთ:
- ინვესტორისთვის სასწრაფოდ შეთავაზებულ იქნას, საწარმოს მასშტაბურობიდან გამომდინარე, შესაბამისი ადგილმდებარეობა.
- კერძო მესაკუთრეს, რომლის მფლობელობაშია მიწის ნაკვეთი მდინარე ნატანების პირას, სოფელ დვაბზუში, არ მიეცეს მსენებლობის უფლება ასეთი ტიპის საწარმოს განთავსებისა მომავალში,რომელიც სერიოზულ საფრთხეს წარმოადგენს, როგორც ადამიანისთვის, ასევე, გარემოსთვის.
- გარემოს დაცვის სამინისტრომ სასწრაფოდ გააუქმოს ბრძანება, რომელიც ქარხნის მიერ მიწოდებულ დოკუმენტში არასწორი მონაცემების მიხედვით გამოსცა.
- სახელმწიფო საკუთრებაში არსებულ თევზსაჭერ ტბორებს სოფელ დვაბზუში, რომელიც მდებარეობს საწარმოს მიმდებარედ, დაედოს სპეციალური პირობა, ფუნქციონირებდეს პირველადი დანიშნულებით.
- მუნიციპალიტეტმა საცხოვრებელი ზონების მავნე ზეგავლენისგან დავის მიზნით გამოსცეს განკარგულება. დაიწყოს მუშაობა გენერალურ გეგმაზე და სტატუსის მინიჭებაზე (საცხოვრებელი ზონები)
საკითხის ასეთი მიდგომით შენარჩუნდება ხსენებული სოფლების უნიკალიური ბუნება. არ დაბინძურდება გარემო და ძირძველი მამულები არ დაიკეტება.
თუკი არ შესრულდება ზემოთხსენებული მოთხოვნები, მოსახლეობა კვლავ მიმართავს აქციებს, რაც დამაზიანებელი იქნება ორივე მხარისთვის.
საკითხის ასეთი მიდგომით შენარჩუნდება ხსენებული სოფლების უნიკალიური ბუნება. არ დაბინძურდება გარემო და ძირძველი მამულები არ დაიკეტება.
თუკი არ შესრულდება ზემოთხსენებული მოთხოვნები, მოსახლეობა კვლავ მიმართავს აქციებს, რაც დამაზიანებელი იქნება ორივე მხარისთვის.
Loading ...
