მოგლეჯილი ხეები, დატბორილი გზები და განადგურებული მოსავალი – სტიქია რაჭაში

რაჭაში სტიქიის შედეგად მიყენებულ ზარალს ითვლიან. გვიან ღამით მთიან რეგიონში ძლიერი სეტყვა და ქარიშხალი იყო.

სოფელ ზნაკვაში სტიქიამ ათწლოვანი ხეები ძირფესვიანად მოგლიჯა. ძლიერი წვიმების შედეგად კალაპოტიდან გადმოვიდა მდინარე ხეორი, რის შედეგადაც საავტომობილო გზები დაიტბორა.

ფერდობიდან მოვარდნილმა ღვარცოფულმა შენაკადებმა დატბორა სოფელ ხეითში, კვაშხიეთსა და სევაში სასოფლო-სამეურნეო სავარგულები და საკარმიდამო ნაკვეთები.

რაჭის მოსახლეობა ხელისუფლებისგან დახმარებას ითხოვს.

სტიქიამ პრობლემები შექმნა გუდაურშიც. ქუმლისციხის მონაკვეთზე ტალახის ნაკადები ჩამოვიდა, რამაც ტრანსპორტის მოძრაობა შეაფერხა.

www.mtavari.tv