შინაგან საქმეთა სამინისტროს თბილისის პოლიციის დეპარტამენტის თანამშრომლებმა დააკავეს ბრალდებული, რომელმაც მეგობარი ქალი, გვიან ღამით მოკლა. ინფორმაციას შსს-ს პრესსამსახური ავრცელებს.
უწყების ცნობით, მამაკაცი განზრახ მკვლელობის ბრალდებით დააკავეს. დანაშაული 10-დან 15 წლამდე ვადით თავისუფლების აღკვეთას ითვალისწინებს.
„გამოძიებით დადგინდა, რომ ბრალდებულმა თბილისში, ნაქირავებ ბინაში, ურთიერთშელაპარაკების ნიადაგზე, ცივი იარაღის გამოყენებით სხეულზე რამდენიმე ჭრილობა მიაყენა ახლად გაცნობილ ქალს – 1986 წელს დაბადებულ შ.ღ.-ს, რომელიც შემთხვევის ადგილზევე გარდაიცვალა.
გარდაცვლილს მრავლობითი ჭრილობები ცივი იარაღით აქვს მიყენებული. გოგონა ნაქირავებ ბინაში კიდევ ერთ მეგობარ გოგოსთან ერთად ცხოვრობდა. ადგილზე გვიანობამდე მუშაობდნენ ექსპერტ-კრიმინალისტები. სამართალდამცველებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ს.ა. მომხდარიდან მალევე, თბილისში დააკავეს.განზრახ მკვლელობის ფაქტზე გამოძიება საქართველოს სსკ-ის 108-ე მუხლით მიმდინარეობს“,- ნათქვამია განცხადებაში.
გარდაცვლილს მრავლობითი ჭრილობები ცივი იარაღით აქვს მიყენებული. გოგონა ნაქირავებ ბინაში კიდევ ერთ მეგობარ გოგოსთან ერთად ცხოვრობდა. ადგილზე გვიანობამდე მუშაობდნენ ექსპერტ-კრიმინალისტები.
Loading ...
